СПМ «Ош-Тазалык» экологияны жана Ош шаарынын жашоо сапатын жакшыртууга багытталган ири долбоорлорду ишке ашырууда. Биз заманбап технологияларды киргизип, тургундар жана эл аралык эксперттер менен өнөктөштүктө иштеп, шаарды дагы да таза, коопсуз жана жайлуу кылууга аракет кылабыз.
Ош шаарында катуу тиричилик калдыктарын утилизациялоо заводуна капсула салуу аземи өттү. Иш-чарага Ош шаарынын мэри Жеңишбек Токторбаев, шаардык кеңештин төрагасы Болот Баетов, кытайлык «Hunan Junxin Environmental Protection Co., Ltd.» компаниясынын директорлор кеңешинин төрагасы урматтуу Дай Даого, шаар тургундары жана мекеме жетекчилери катышты.
2024-жылы Оштогу катуу тиричилик калдыктарын башкаруу системасын өркүндөтүү долбоору башталды. Максаты — таштандыларды чогултуу, чыгаруу, иргөө жана утилизациялоо иштерин натыйжалуу жана ачык жүргүзүү.